KHAKCHANG RWMANI
1.Khakchang rwmani Jisu ani,
Sa bai li ya twi chwng mungno Bini;
Bugrani borok, Bo le tini,
Mwthangnai Bugra bo le chini.
Ani kothoma ani samung,
Rwchabanw chwng Jisuni mung. (2)
2.Bebak rw bai di nwng Kaitorno,
Chukhani tongthok le nwng man anw;
Chukhani brok le rwnai nono,
Kaitor hamjakma khani kokno.
3.Rangma mano tei ma lengla –o,
Bugrano manwi se kwpal toro;
Saka naharwi naisik tongnai,
Bini k’thar bai se chwng kthar wngnai.
KHA K’TAL SNAM DI SUBRAI
1.Kha k’tal snam di Subrai,
Phai ja di Nwng tabuk;
Nini khukni kok kwthang bai,
Ham sit hung bororok,
Kha ktal snam di Subrai
Khlumwi suri ja-o;
Phai di maya gnang o Subrai,
Hamri rw di chwngno.
2.Kha k’tal snam di Subrai,
Nin’ mung borrijak thung;
Hamjakma hor bai sok si di,
Pholarok khakchang thung.
3.Kha k’tal snam di Subrai,
Phan rw di Nwng kok bai;
Poitu khlaiwi chwng kubuino,
Twi manna twi khlaiwi.
4. Kha k’tal snam di Subrai,
Wng thung pentikos hai;
Chwng manwi hamari kuplung,
Nini Mung chwngsanai.
